Пирсон од Лестер во втората лига на Белгија

Најџел Пирсон, поранешниот тренер на фудбалерите на Лестер, е нов шеф на стручниот штаб на белгискиот второлигаш ОХ Левен.

Пирсон на клупата на тој клуб го замени Денис ван Вејк
ОХ Левен неодамна го презеде тајландската компанија „Кинг Пауер Груп“, во чија сопственост е и Лестер.
Клубот минатата сезона избегна испаѓање во понизок ранг на натпреварување.
Најџел Пирсон во Лестер доби отказ на крајот на сезоната 2015 година, само по неколку седмици откако клубот успеа да избори опстанок во Премиер лигата.
Тој во кариерата од клупата ги предводеше, меѓу останатите, и Њукасл, Саутхемптон, Хал и Дерби.