12.8.2014 Медел нов фудбалер на Интер
Чилеанскиот репрезентативац Гери Медел направи трансфер од Кардиф во Интер, потврди клубот од Милано.
Дваесет и седумгодишниот Медел игра на местото последен играч за врска, а минатата сезона за Кардиф имаше 34 настапи.
„Пресреќен сум што дојдов во ваков клуб кој секогаш имал големи фудбалери. Се радувам на новите соиграчи и се надевам дека ќе имаме успешна сезона“, изјави Медел за интернет страницата на Интер.
Пред Медел, во Интер во овој преоден рок дојдоа Немања Видиќ, Додо, Јан Мвила и Даниел Освалдо.
Интер следната седмица го очекува бараж против исландскиот Стјарнан за пласман во групната фаза од Лигата на шампионите.