29.6.2017 Борини нов напаѓач на Милан
Калчолигашот Милан се договори со Сандерленд за трансфер на напаѓачот Фабио Борини, пренесоа италијанските медиуми.
Борини сакаше да ги напушти „црните мачки“ откако клубот испадна од Премиер лигата, а медиумите претходно го поврзуваа со Лацио.
„Газета дело спорт“ објави дека Милан и Сандерленд оствариле договор и дека Борини денеска ќе ги помине лекарските прегледи.
Борини минатата сезона одигра 26 натпревари во Премиер лигата и постигна два гола. Претходно во кариерата играше и за Челзи, Парма, Рома и Ливерпул, а има и еден настап за сениорската италијанска репрезентација.