12.9.2018 Милан му нуди нов договор на Бонавентура
Италијанецот е клучен играч на „росонерите“
Џакомо Бонавентура, играчот за врска на Милан, е во преговори со клубот околу продолжување на неговиот договор. Италијанецот има важечки договор до 2020 година, но раководството сака да го осигури неговиот потпис на подолго време. Според италијанските медиуми, тој ќе биде продолжен до 2022 година, со одредено зголемување на платата.
Дваесет и деветгодишниот фудбалер е клучна фигура во составот на Гатузо, додека интересот за него кој го покажаа неколку клубови надвор од Италија, го натераа раководството да се одлучи да му понуди обновување на соработката.
Бонавентура беше меѓу стартерите и во националниот состав на „аѕурите“ во оваа репрезентативна пауза.
Откако пристигна на „Сан Сиро“ во 2014 година, Бонавентура одигра 144 натпревари за Милан, постигнувајќи 29 погодоци.