26.5.2012 Аурелио потпиша за Гремио
По шест години минати во Ливерпул, бразилскиот лев бек Фабио Аурелио се пресели во редовите на Гремио, за кого потпиша едно и полгодишен договор.
Триесет и двегодишниот дефанзивен играч во бразилскиот клуб доаѓа без оштета по истекувањето на договорот со тимот од „Енфилд роуд“, а нов не му беше понуден.
Аурелио во Ливерпул стигна во 2006 година од Валенсија, а неговиот шестгодишен престој беше проследен со голем број повреди, па поради тоа собра само осумдесет и шест премиерлигашки настапи.
Во својата кариера, освен за англискиот и шпанскиот клуб, тој има настапувано и за Сао Пауло, тимот во кој ги имаше своите фудбалски почетоци.