Корисничко име Лозинка Пријави се
  • БОЈА:
13.9.2018

Белуски: Ни недостасуваат головите на Несторовски

Илија Несторовски е тивок на почетокот на новата сезона во дресот на Палермо, сè уште го чека првиот гол во Серија Б, а соиграчите од него очекуваат подобри игри во продолжението од првенството.

Илија Несторовски остана во Палермо и покрај најавите за трансфер во друг клуб, а токму од него соиграчите и сите во клубот очекуваат голови и добри игри за да се оствари целта, пласман во Серија А.
„Несторовски е голем професионалец и не се сомневам дека повторно ќе игра на препознатливо ниво. Ни недостасуваат неговите голови, неговиот ефект од минатите сезони. Верувам дека ќе влезе во форма, бидејќи нè интересира само пласман во Серија А и ништо друго“, вели искусниот Џузепе Белуски.
Палермо тргна скромно во новата сезона, исто како и нивниот најдобар стрелец Илија Несторовски, па по две кола, првиот фаворит за враќање во Серија А има два бода со две нерешени средби. Несторовски го чека првиот гол во новата сезона во „розевиот“ дрес на Палермо, а следна шанса за пробивање на мразот ќе биде дуелот со Фоџа на гостински терен во недела од 21 часот.

 

Најнови вести