26.7.2012 Кириленко избра клуб
Најдобриот руски кошаркар Андреј Кириленко само неколку денови по заминувањето од ЦСКА Москва и враќањето во најсилната кошаркарска лига на светот, пронајде нов клуб.
Поранешниот ас на Јута џез во наредните две сезони ќе го носи дресот на Минесота, објавија американските медиуми, а според договорот, ќе инкасира 20 милиони долари.
Кириленко минатата сезона, поради локаутот,
почна во редовите на „армејците“ и таму се задржа до крајот на
натпреварувачката кампања, освојувајќи ја со ЦСКА Москва шампионската титула на
Русија. И покрај најавите за негово можно останување во татковината, сепак,
одлучи повторно да се обиде во најсилната можна конкуренција.
Тој не е единствениот Русин кој наредната
сезона ќе биде член на Минесота. Само неколку денови пред него во Минеаполис
стигна неговиот довчерашен соиграч и репрезентативен колега Алексеј Швед.