25.3.2015 Ван Бронкхорст на клупата на Феенорд
Фудбалскиот клуб Феенорд соопшти дека Џовани ван Бронкхорст, некогашниот репрезентативец на Холандија, од следната сезона ќе го предводи тој клуб од клупата.
Фред Рутен, сегашниот тренер на Феенорд, претходно најави дека на крајот на сезоната ќе го напушти клубот од Ротердам, а клубот одлучил за шеф на стручниот штаб да го именува неговиот помошник.
Ван Бронкхорст во два наврати настапуваше за клубот од Ротердам и за Феенорд одигра 191 натпревар и постигна 30 голови.
„Почнав овде и по долгата кариера се вратив и сега ќе бидам тренер. Како помошен тренер многу научив од Роналд Куман и од Фред Рутен. Ова е голема чест и предизвик и многу сум радосен“, изјави Ван Бронкхорст за интернет-страницата на клубот.