16.6.2016 Тренерот на Коринтијанс нов селектор на Бразил
Бразилскиот тренер Аденор Леонардо Бачи, познат како Тите, е назначен за нов селектор на репрезентацијата на Бразил.
Тите до сега беше тренер на Коринтијанс, а ќе го наследи Карлос Дунга кој беше отпуштен по дебаклот на Копа Америка и елиминацијата во групната фаза на континенталниот шампионат.
Тите за шест години со Коринтијанс освои две титули како шампион на Бразил, Копа Либертадорес, Копа Судамерикана и Светското клупско првенство.
Претходно ги предводеше тимовите на Гремио, Сао Каетано, Атлетико Минеиро, Интернасионал, Ал Аин и Ал Вахда.