13.9.2012 Оливеира нов тренер на Васко де Гама
Бразилскиот фудбалски клуб Васко де Гама за нов тренер вчера го именуваше Марсел Оливеира.
Оливеира потпиша договор до крајот на 2013 година, а на клупата ќе го замени Кристовао Боржес, кој е сменет по убедливиот пораз од Бахија (0-4).
Васко де Гама минатата сезона го освои второто место во бразилскиот шампионат, а сега заостанува единаесет бодови зад лидерот Флуминенесе.
Боржес му беше помошен тренер на Рикардо Гомес, кој минатата година доживеа мозочен удар на натпреварот против Фламенго.