Темишвар исфрлен во втората лига

Темишвар, вицешампионот на Романија, е исфрлен во втората лига бидејќи поради натрупаните долгови не обезбеди средства за лиценцирање на следната година.

Клубот со тоа го изгуби и местото во квалификациите за Лигата на шампионите, кое го зазеде третопласираната екипа Васлуј.

„Ова е скандал и понижување. За нас тоа е почеток на војната што ќе ја водиме со сите легални средства и верувам дека на крајот ќе ја добиеме“, рече претседателот на Темишвар, Марјан Јанку.