Корисничко име Лозинка Пријави се
  • БОЈА:
10.10.2018

Се поплави „Камп ноу“

На туристите кои го посетија најголемиот стадион во Европа не им беше пријатно.

Силните дождови кои деновиве ја зафатија Барселона направија проблем на стадионот „Камп ноу“, кој е една од главните туристички атракции во тој град.

На стадионот имало поплавени делови кај тунелот од којшто се излегува на теренот, па клубот беше принуден да ја смени маршрутата за посетителите, а работниците се фатија за работа и поправка на штетата.

Поради паузата во првенствата за Лигата на нациите, Барса наредниот меч дома го игра на 21-ви октомври, и тоа против Севилја, па имаат доволно време да ги санираат проблемите од поплавата.

Поплава имало и на теренот „Јохан Кројф“, новиот „Мини Естади“, кој треба да биде подготвен за играње мечеви во март. Претседателот на Барселона планираше вчера да оди да види до каде се работите, но мораше да ја откаже визитата.

Најнови вести