02.1.2018 Преоден рок – 250 милиони евра за првите 24 часа
Со почетокот на новата 2018 година почна и преодниот рок, а во првите 24 часа се потрошени 250 милиони долари за најголемите трансфери.
Во центарот на вниманието беше трансферот на Вирџил ван Дајк од Саутхемптон во Ливерпул за рекордни 85 милиони евра за дефанзивен играч.
Втор по ред е Диего Коста од Челзи во Атлетико Мадрид за 66 милиони евра, а трет е враќањето на Сандро Вагнер во Баерн Минхен, кој на Хофенхајм му плати 13 милиони евра.
Четвртиот најскап трансфер го направи Севилја, која од бразилскиот Коринтијанс го доведе Гилјерме Арана, додека на петтата позиција е трансферот на Максимилијано Ромеро од аргентинскиот Велес во холандскиот ПСВ за 10,5 милиони евра.
Останува да се види што следува во текот, а посебно во самиот финиш на преодниот рок, кога често се случуваат рекорди.