20.12.2016 Забрана за трансфери за Рубин, Амкар, Динамо...
Фудбалскиот сојуз на Русија забрани трансфери за 14 клубови од првата и од втората лига поради финансиски проблеми.
На клубовите им е забрането да регистрираат нови играчи поради тоа што не успеале да ги регулираат исплатите - платите на играчите, трансферите и данокот.
Меѓу казнетите клубови е и поранешниот руски шампион Рубин од Казањ, а тука се и Амкар, Крилја Совјетов и Томск. Од второлигашите најпознат казнет клуб е Динамо од Москва.
Многу руски клубови имаат финансиски проблеми, а нивни главни извори на финансирање се државните компании и регионалните влади.