04.1.2016 Бош од Витесе на клупата на Макаби Тел Авив
Холандскиот фудбалски тренер Петер Бош го наследи Славиша Јокановиќ во Макаби Тел Авив.
Јокановиќ неодамна го презема англискиот второлигашки клуб Фулам, а управата на негово место го доведе досегашниот тренер на Витесе.
„Одушевени сме што Бош е именуван за нов тренер. Ја следев неговата работа неколку години и бев презадоволен со стореното, верувам дека ќе бидеме успешни“, изјави директорот на Макаби, Џорди Кројф, за интернет страницата на клубот.
Бош потпиша договор на година и пол со Макаби Тел Авив кој оваа сезона е учесник во Лигата на шампионите.
Во текот на својата кариера тој ги водеше холандските клубови АГОВ, Де Графшап, Хераклес, а беше директор и во Феенорд.