05.12.2012 Челзи ќе го доведе Валас од Флуминенесе
Европскиот шампион Челзи постигна договор со Флуминенсе за доведување на бразилскиот бек Валас.
Челзи соопшти дека 18-годишниот бек ќе остане во својот клуб до крајот на сезоната.
Валас во Челзи ќе им се придружи на своите земјаци Давид Луис, Рамирес, Оскар и Лукас Пијазон. Тој е член на младинската репрезентација на Бразил и еден од најголемите таленти во Флуминенесе.
Овој трансфер долго време е најавуван, а висината на оштетата не е објавена, макар што бразилските медиуми наведуваат дека Челзи ќе плати седум милиони фунти.