14.8.2018 Меч на денот: Шкендија на „поправен“ против Салцбург, Австријците веќе го сонуваат плејофот
Македонскиот шампион ќе има тешка задача да ја „стопи“ негативата од три гола по првата пресметка против „биковите“
Шкендија ќе мора да го подигне нивото на игра против Салцбург или ќе мора да се задоволи со пласман во плејофот од Лигата на Европа. Убедливиот пораз од 3-0 по првите 90 минути од овој двомеч се речиси недостижни за тетовци, ако се земе предвид квалитетот на противникот.
По тешко издвоеното реми против Вардар (2-2) во првото коло од домашниот шампионат, Шкендија ќе мора да „стегне заби“ и да го надмине уморот, но, како што вели Османи, неговите фудбалери ќе мора да играат и на највисоко ниво доколку посакуваат позитивен исход од оваа средба.
Идентично како Шкендија, и Салцбург изминатиов викенд играше дерби во своето првенство, но за разлика од тетовскиот тим, „биковите“ издвоија победа од 2-0 против ривалот Австрија Виена.
Според нашата понуда за денес, за триумф на Шкендија квотата е 8.25, за Салцбург да биде победник квотата е 1.40, додека за реми е 4.25.