12.8.2018 Роналдо по само осум минути го постигна „првенецот“ за Јуве
На Португалецот му беа потребни само осум минути за да го прослави својот прв погодок за „старата дама“
Кристијано Роналдо имаше деби какво што се очекуваше за Јувентус. На традиционалниот пријателски натпревар против резервниот состав на Јуве, Португалецот го постигна својот прв гол во дресот на италијанскиот првак, и тоа по само осум минути игра.
Роналдо доцна се приклучи на подготовките на својот нов тим, сепак, не му беше потребно многу време да се воигра со новите соиграчи. Иако ова не е официјален меч, со овој погодок Роналдо најави што може да се очекува од него во новата сезона во Серија А.