Ми помогна тоа што не ја освоив Лигата на шампионите

Бразилскиот Роналдо смета дека станал подобар играч со тоа што никогаш не го освоил еден од најценетите трофеи во светот на фудбалот

Еден од најдобрите напаѓачи во историјата на фудбалот, Бразилецот Роналдо, вели дека е презадоволен од постигнатото во неговата играчка кариера, иако во неговата колекција на трофеи го нема оној од Лигата на шампионите. 

„Немам проблем со тоа што не освоив ЛШ. Тоа само ме мотивираше во годините и ме направи подобар фудбалер. Многу сум задоволен од постигнатото во кариерата“ – вели Роналдо.

Роналдо играше и за Реал и Барса, па неизбежна тема беа и овие гиганти и актуелната ситуација кај нив.

„Не мислам дека Реал сега е послаб отколку што беше со Кристијано. Ако играат тимски, нема да има проблем. Тоа е клуб со голема традиција и секогаш е фаворит, исто и Барса. Англиските екипи се засилија, но не се на нивото на Реал и Барселона. ПСЖ има силен тим, но за титулата во ЛШ потребни им се уште играчи. Мбапе има голем потенцијал, но не знам дали потсетува на мене. И јас веќе не се саќавам како играв“, се шегува некогашниот феномен.