Евролига: Антиќ го сруши Реал Мадрид за победа на Црвена ѕвезда

Перо Антиќ беше клучен играч во големата победа на Црвена ѕвезда над Реал во Мадрид со 87:83 (по четвртини: 24:19, 15:27, 19:21, 25:20) во натпреварот од десеттото коло на Евролигата.

Македонскиот интернационалец го постави конечниот резултат откако украде топка и со тројка на седум секунди до крајот им донесе недостижна предност од плус четири на кошаркарите од Белград.
Црвена ѕвезда имаше предност од 13 поени во второто полувреме, но кошаркарите од Мадрид се вратија во игра и го доведоа натпреварот до неизвесност, но не направија пресврт. Гостите најголемиот дел од средбата го одиграа на ниво, беа сконцентрирани и смирени и заслужено ја прославија третата победа оваа сезона, прва на гостински терен по двете над Макаби Тел Авив и над Барселона на домашен терен.
Најефикасен играч во екипата на „црвено-белите“ беше Лука Дончиќ со 20 коша, Џејси Керол даде 12, а за Реал Мадрид најефикасни беа Треј Томпкинс и Руди Фернандес со по 10. Пет кошаркари во екипата од Белград имаа двоцифрен број: Тејлор  Рочести со 18, Милко Бјелица со 16, Антиќ со 11 (2/2 слободни фрлања, 0/2 за два поена и 3/8 за тројка), Огнен Добриќ и Џејмс Фелдин со по 10. Покрај тоа што постигна 11 поени, Антиќ за 26 минути на паркетот имаше четири скока (два офанзивни и два дефанзивни) и една асистенција.
Црвена ѕвезда во наредното коло ќе ја дочека екипата на Анадолу Ефес, а Реал Мадрид ќе гостува кај Олимпијакос.