08.12.2011 Двата клуба од Манчестер испаднаа од Лигата на шампионите
Фудбалерите на Базел направија вистинска сензација исфрлајќи го Манчестер јунајтед од Лигата на шампионите откако славеа на „Сент Јакоб“ со 2-1.
Базел дојде до неверојатниот успех со головите на Џердан Шаќири и Александер Фрај, а мала надеж за Манчестер јунајтед донесе Фил Џонс во 89-тата минута, но тоа не беше доволно за „црвените ѓаволи“ да се пласираат во нокаут-фазата од Лигата шампионите, па како третопласирана екипа од групата Ц ќе продолжат во Лигата на Европа.
Наполи победи на „Мадригал“ со 2-0 со головите на Инлер и Хамшик и го освои второто место во групата А, елиминирајќи го Манчестер сити, кој со 2-0 го совлада Баерн од Минхен. „Граѓаните“, исто како и нивниот градски ривал, на пролет ќе го продолжат натпреварувањето во Лигата на Европа.
Ова е првпат по сезоната 2003/04 англиската Премиер лига да остане само со два претставници во нокаут-фазата од Лигата на шампионите.
Во 1/16-финалето на најквалитетното натпреварување на УЕФА се пласираа:
Баерн Минхен, Наполи, Интер, ЦСКА Москва, Бенфика, Базел, Реал Мадрид, Лион, Челзи, Баер Леверкузен, Арсенал, Олимпик Марсеј, АПОЕЛ Никозија, Зенит, Барселона и Милан.
Ждрепката за нокаут-фазата ќе се одржи на 16-ти декември, а натпреварите ќе се играат на 14-ти, 15-ти, 21-ви и 22-ри февруари, а реваншите на 6-ти, 7-ми, 13-ти и 14-ти март 2012.