Ја расипавме десетката со тежок пораз од 4:0 (Видео)

Ерменија ја декласира Македонија со 4:0 и ни ја прекина серијата од 10 меча без пораз

Ерменија ги искористи сите грешки на голманот Стиле Димитриевски и ја победи Македонија со 4:0. Поразот е тежок, иако за среќа може да не биде кобен за првото место во четвртата група од Д сегментот.

Во чуден меч, индиспониран беше нашиот голман и прими четири кикс голови. Првиот во 13. минута кога ударот од далечина на Маркос Пицели не успеа да го скроти, па сам си ја внесе топката во мрежата.

Потоа имавме шанси за израмнување, шведскиот судија Штромбергсон не досуди чист пенал по прекршокот над Енис Барди, а колата тргна низбрдо по новиот кикс на Димитриевски.

Во 67. минута се обиде да додаде во одбраната, погреши, па по асистенција на Мхитарјан лесно погоди Мовсисјан за 2:0. И грешките на Димитриевски не престанаа, па одново имаше нов голем кикс во 81. минута.

Газарјан од слободен удар биеше по земја, а топката низ рацете на македонскиот голман влезе во мрежата за убедливи 3:0 за Ерменците.

Во финишот н а мечот во листата на стрелците се запиша и Мхитарјан, повторно од слободен удар, а пак Димитриевски не беше на вистинското место, иако овојпаѕт и не беше директен виновник за голот.

Во финишот на мечот беше исклучен Елиф Елмас, па тој нема да игра против Лихтенштајн на 16. ноември. И по овој пораз Македонија е лидер во нашата група со 9 бода, три повеќе од Ерменија и може дури и да си дозволи уште едно реми и победа во последните два меча со Лихтенштајн на гости и со Гибралтар дома за да остане на првото место.

https://www.youtube.com/watch?v=hdGE2EOn6Rw&feature=youtu.be