18.5.2018 Гвардиола го продолжи договорот со Манчестер сити
Хосеп Гвардиола, менаџерот на Манчестер сити, го продолжи договорот со шампионот на Англија до летото 2021 година.
„Многу сум среќен и возбуден. Задоволство е да се работи овде. Уживам секојдневно да работам“, изјави Пеп.
Гвардиола оваа сезона со Сити ги освои Премиер лигата и Лига купот на Англија.
Сити во првенството даде 106 гола и оствари 32 победи, што се рекорди на натпреварувањето , и освои сто бода.
Шпанскиот стручњак досега секој договор го исполни до крајот, а ако се случи тоа и сега, Сити ќе биде клубот којшто најдолго го тренирал.