15.10.2014 Враќање на Антиќ со девет поени во триумфот над Мајами
Македонскиот интернационалец Перо Антиќ, кој го пропушти стартот на подготовките пред новата сезона на НБА-лигата поради повреда на носот, го одигра својот прв натпревар.
Антиќ во натпреварот против Мајами хит играше со заштитна маска на лицето и беше еден од најзаслужните за триумфот на Атланта хокс од 109-103.
Атланта заостануваше со 15 поени пред да влезе македонскиот кошаркар, но потоа само за 11 минути Антиќ постигна девет поени и три скока.
Најдобар поединец кај Атланта беше Пол Милсап со 23 поени, а во екипата на Мајами најпрецизен беше Крис Бош со 22 поени, додека Двејн Вејд постигна 16 поени.