08.9.2018 По Наваро, капитен на Барселона ќе биде Анте Томиќ
Хрватскиот репрезентативец ќе ја има најзначајната улога во каталонскиот тим
Анте Томиќ ќе ја наследи капитенската улога во Барселона по пензионирањето на легендарниот Хуан Карлос Наваро. Хрватот ќе го предводи каталонскиот гигант во претстојната сезона, а негов заменик ќе биде Пјер Ориола.
Триесет и едногодишниот Томиќ веќе шест години е член на Барса, најдолго од било кој играч во екипата, што една од причините за доделувањето на на оваа голема обврска. Хрватот пристигна во 2012 година од редовите на Реал Мадрид, при тоа освои две титули во АЦБ лигата(2013, 2014), кралскиот Куп во 2013 и 2018 година, како и шпанскиот Суперкуп во 2015 година.
Во дресот на Барса досега има одиграно 455 натпревари, и го држи рекордот за најмногу настапи во клубот забележани од странски кошаркар.