25.8.2018 Франција, или Канада ќе имаат доминантен центар – Риу со само 12 години порасна до 213 сантиметри
Вистинско кошаркарско чудо е 12-годишниот канадски кошаркар со француско потекло Оливие Риу
Момче кое веќе сега има висина од 213 сантиметри и очекувано доминира во играта со своите врсници. Французите го поканија на турнир во Шпанија, а Риу и таму беше вистинска атракција со својата висина и доминација под кошевите.
За него уште отсега се интересираат НБА клубовите, а битка ќе бијат и Канада и Франција, чиј дрес со националните бои ќе го носи Оливие во иднина. И, дилемата е до која висина ќе порасне 12-годишното момче од Монтреал.