09.5.2018 Саутхемптон пред опстанок, Вест Бромич ќе испадне
Фудбалерите на Саутхемптон го победија Свонси со резултат 1-0 во заостанатиот натпревар од 31-вото коло на Премиер лигата и со тоа практично обезбедија опстанок.
Јунак на триумфот на „светците“ беше Маноло Габијадини, кој го постигна единствениот гол на натпреварот во 72-рата минута. Габијадини мрежата на домашниот тим ја затресе откако притрча кон топката, откако голманот на Свонси го одбрани ударот на Чарли Остин.
До тој момент, Свонси имаше иницијатива, но шансите на гостите беа поверојатни.
Благодарение на триумфот во Велс, Саутхемптон направи голем чекор кон опстанокот и само чудо би можело да го испрати во Шампионат лигата.
Бидејќи натпреварот на стадионот „Либерти“ е решен со триумф, Вест Бромич албион дефинитивно се сели во понизок ранг на натпреварување, заедно со веќе отпишаниот Стоук.
Свонси единствена шанса за опстанок има доколку ја прекине низата од четири порази и слави против Стоук во недела, а Хадерсфилд изгуби и од Челзи и од Арсенал.