Гвадалахара по 56 години ја освои КОНКАКАФ Лигата на шампионите

Мексиканскиот клуб Гвадалахара Чивас е победник на Лигата на шампионите на КОНКАКАФ за 2018 година откако во финалето го совлада Торонто по подоброто изведување на пеналите.

Мексиканците пред реваншот на нивниот стадион имаа предност 2-1 од првиот натпревар и си ги зголемија шансите за титулата кога Орбелин Пинеда во 19-тата минута го постигна водечкиот погодок на натпреварот.
Но, канадскиот тим, кој за прв пат играше во финалето, не се предаваше, Жози Алтидор во 25-тата минута ја искористи целосната досада во одбраната на домаќинот и изедначи на 1-1.
Во последната минута на првото полувреме, Торонто успеа да направи пресврт и да дојде до изедначување на резултатот во финалето. Себастијан Џовинко одлично се снајде и топката ја испрати во мрежата на Гвадалахара.
Второто полувреме ни одблиску не беше возбудливо како првото сè до последните десет минути, кога имаше неколку опасни ситуации пред двата гола.
Трагичар на гостите беше Марки Делградо, кој во 91-вата минута ја пропушти сигурната шанса на Торонто да му ја донесе титулата. Бидејќи по 90 минути резултатот беше 1-2, веднаш се отиде на изведување пенали. Мајкл Бредли во петтата серија не погоди и со тоа дефинитивно го остави шампионот на МЛС без титула, додека Гвадалахара ја освои Лигата на шампионите за прв пат од 1962 година и од нејзиното прво издание.
Мексиканските тимови продолжија со доминацијата во ова натпреварување освојувајќи ја десеттата последователна титула.