23.1.2018 Барселона му го позајми Рафиња на Интер
Рафаел Анкантара, познат како Рафиња, до крајот на сезоната од Барселона ќе игра на заем во Интер.
Интер вчера објави официјална информација за трансферот на Рафиња.
Италијанскиот клуб има опција да го откупи договорот на 25-годишниот фудбалер за 35 милиони евра.
Рафиња оваа сезона не одигра ниту еден натпревар за Барселона во Ла Лига, а во минатата имаше 18 настапи и шест постигнати погодоци.
Во младите категории играше за селекцијата на Шпанија, но во 2015 година дебитираше за Бразил.